Шчасьце, калі часам весьнім, прыгожым
Ты завітаеш у Карлавы Вары,
Дзе сустракаецца Цёплая з Орджай,
Скачучы пенна, нястрымна і яра,
Дзе пад зямлёю вясёлыя тролі
Гучна спраўляюць забаву-вясельле,
Вараць на чарах, на травах, на солі
Ад усяго цудадзейнае зельле.
Вецер калыша цюльпан белы – гейзер,
Кожная кропля ў ім дыхае жарам.
Пі, маладзей, ля вады гэтай грэйся –
Век не забудзеш ты Карлавы Вары.
1962
|
|
